კატეგორიები
ფასი -

ნივთის მდგომარეობა

პრომოუშენი
  • ოფთალმოლოგიის სახელმძღვანელოები

    50

    იყიდება ოფთალმოლოგიის  წიგნები რუსულ ენაზე  . ყველა  ახალია  . დეტალური ინფორმაცია . გამოშვების წელი და ავტორები  იხილეთ ფოტოებზე. თითო წიგნის ფასია  50 ლარი. 

    9951148

    23/03/17 17:33

    თბილისი

  • 10576430

    23/03/17 20:15

    თბილისი

  • დიპლომატიის ისტორია XIX საუკუნე

    12.90

    თორნიკე შარაშენიძე ამჟამად GIPA-ს (საქართველოს საზოგადოებრივ საქმეთა ინსტიტუტი) პროფესორი და საერთაშორისო ურთიერთობათა მაგისტრატურის ხელმძღვანელია. მუშაობდა გაზეთ

    კალათაში დამატება

    9443286

    21/03/17 14:34

    თბილისი

  • ColorWay High Glossy Photo Paper, 50 sheets, 10x15, 200 g/m²

    20

    Type: Photo Paper Form Factor: 10x15 Weight: 200 g/m² Resolution: 5760 dpi Package: 50 sheets
    კალათაში დამატება

    10307605

    18/12/16 19:49

    თბილისი

  • ტორტილა ფლეტი

    12.50

    ინგლისურიდან თარგმნა ვახტანგ ჭელიძემ

     

    ჯონ სტაინბეკის რომანის მთავარი გმირი დენი და მისი სახლია, რომელიც თავგადასავლების მაძიებელი მამაკაცების შეკრების ადგილად იქცევა. დენი გამდიდრებული ღატაკია – მან მემკვიდრეობით მიიღო ორი ბინა ტორტილა ფლეტში, რამაც განსაზღვრა კიდეც მისი მომავალი. 

    როგორც ჯონ სტაინბეკი ამბობს: „ამ წიგნში თქვენ წაიკითხავთ, როგორ გაერთიანდა ეს სამი რამ – დენის, დენის მეგობრებისა და დენის სახლის ამბავი. ნახავთ, გაეცნობით მათ თავგადასავლებს, რა სიკეთე დაუთესიათ, რა ფიქრებით ყოფილან მოცული და რა მისწრაფებები ჰქონიათ. წიგნის დასასრულს კი იმასაც მოგითხრობთ, როგორ დაიკარგა თილისმა...“.

    სწორედ ამ რომანმა მოუტანა ავტორს პირველი წარმატება. მოგვიანებით, 1942 წელს, „ტორტილა ფლეტის“ მიხედვით ფილმიც გადაიღეს. 

     

    კალათაში დამატება

    10169977

    31/10/16 16:52

    თბილისი

  • თაგვებსა და ადამიანებზე

    9.50

    ინგლისურიდან თარგმნა გვანცა ჯობავამ

     

    „თაგვებსა და ადამიანებზე“ ერთ-ერთი ყველაზე გამორჩეული წიგნია 1962 წლის ნობელიანტის, ამერიკელი მწერლის – ჯონ სტაინბეკის შემოქმედებაში. ეს არის იგავი დანაშაულის, მარტოობის, იმედისა და უიმედობის შესახებ. რომანის სიუჟეტი დაფუძნებულია ორი ადამიანის მეგობრობასა და მათ საზიარო ოცნებაზე, რომ ერთხელაც საკუთარი სახლი და დიდი ბოსტანი ექნებათ, კურდღლებს მოაშენებენ, წიწილები ეყოლებათ და ზამთრის წვიმებში, ღუმელთან შემომსხდარები, ყურს მიუგდებენ, როგორ ეცემა წვიმის წვეთი სახლის სახურავზე.

    წიგნში მოქმედება ხდება დიდი დეპრესიის პერიოდის კალიფორნიაში და ასახულია მისი თანმდევი მოვლენები: რასიზმი, მარტოობა, ბრძოლა პირადი თავისუფლებისთვის. მწერალი დიდი ოსტატობით გვიჩვენებს უბრალო ადამიანების ხვედრს რთულ, დაუნდობელ და წინააღმდეგობებით აღსავსე სამყაროში.

    „თაგვებსა და ადამიანებზე“ არაერთხელ დაიდგა ბროდვეიზე სპექტაკლის სახით, ჰოლივუდურმა კინომ კი სამი ეკრანიზაცია მიუძღვნა. მათგან ყველაზე პოპულარულია 1992 წელს გადაღებული ფილმი, სადაც მთავარი პერსონაჟის – ლენი სმოლის როლს ჯონ მალკოვიჩი ასრულებს.

     

    კალათაში დამატება

    10169848

    31/10/16 16:03

    თბილისი

  • როგორც თავად იტყოდა

    21

    ინგლისურიდან თარგმნა თაკო ჭილაძემ

     

    მარგარეტ ტეთჩერს სამართლიანად აღიარებენ მეოცე საუკუნის ერთ-ერთ ყველაზე გამორჩეულ პოლიტიკოსად. „რკინის ლედის“, რომელიც გავლენით უინსტონ ჩერჩილსაც კი შეიძლება გაუტოლდეს, დღემდე მიიჩნევენ ბრიტანეთის ბოლო ორმოცდაათი წლის ყველაზე მნიშვნელოვან ლიდერად.

    მარგარეტ ტეთჩერმა ხელი შეუწყო თავისუფალი მეწარმეობის განვითარებასა და ინდუსტრიის პრივატიზებას დიდ ბრიტანეთში, ფოლკლენდის ომში ბრიტანელებს გამარჯვება მოაპოვებინა, დიდი წვლილი შეიტანა ცივი ომის დასრულებაში და თავის ქვეყანას ძველი ღირსება დაუბრუნა.

    წიგნში თავმოყრილია მარგარეტ ტეთჩერის ყველაზე აქტუალური საჯარო გამოსვლები და რამდენიმე საინტერესო ინტერვიუ, რომელიც კარგად წარმოაჩენს მის შეხედულებებს სხვადასხვა პოლიტიკურ, ეკონომიკურ თუ სოციალურ საკითხზე.

     

    კალათაში დამატება

    10169813

    31/10/16 15:57

    თბილისი

  • ჩერნობილის ლოცვა

    15

    რუსულიდან თარგმნა ნინო ბექიშვილმა

    2015 წლის ნობელის პრემიის ლაურეატის წიგნი!

    ბელარუსი რუსულენოვანი მწერალი სვეტლანა ალექსიევიჩი ის ავტორია, რომელსაც თარგმნიან და ინტერესით კითხულობენ მსოფლიოს მრავალ ქვეყანაში. ნობელის გარდა მას რამდენიმე სხვა პრესტიჟული ლიტერატურული პრემიაც აქვს მიღებული, მათ შორის პრემია „ტრიუმფი“ – 1997 წ. (რუსეთი); რემარკის პრემია – 2001 წ. (გერმანია), ამერიკელ კრიტიკოსთა პრემია – 2006 წ. (აშშ), შარშან კი მწერალი ფრანკფურტის წიგნის ბაზრობაზე გერმანიის წიგნით მოვაჭრეთა გაერთიანებამ მშვიდობის პრემიით დააჯილდოვა.

    სვეტლანა ალექსიევიჩი საბჭოთა (და პოსტსაბჭოთა) მნიშვნელოვან ამბებს ზეპირი ისტორიის მეთოდით აღწერს. მისი ნაწარმობებების გმირები ჩვეულებრივი ადამიანები არიან, ვისი ნაამბობის მიხედვითაც მწერალი ახერხებს სრულიად უნიკალური და შთამბეჭდავი ტექსტების შექმნას.

    რომანი „ჩერნობილის ლოცვა“ (1997) იმ ციკლის ნაწილია, რომელსაც სვეტლანა ალექსიევიჩმა „უტოპიის ხმები“ უწოდა. ციკლი ხუთი წიგნისგან შედგება: „ომს ქალის სახე არ აქვს“ (1985), „თუთიის ბიჭები“ (1991), „სიკვდილით მოჯადოებულნი“ (1993-1994) და „სექენდ ჰენდის დრო“ (2001). 

    „ჩერნობილის შემდეგ სხვა სამყაროში ვცხოვრობთ“, – ამბობს ავტორი. ეს წიგნი ზეპირი ისტორიის მეთოდითაა დაწერილი. ალექსიევიჩი წლების განმავლობაში დაეძებდა და იწერდა იმ ადამიანთა ისტორიებს, ვისაც პირდაპირ შეეხო გასული საუკუნის ერთ-ერთი ყველაზე დიდი კატასტროფა.
     

     

    კალათაში დამატება

    10169802

    31/10/16 15:55

    თბილისი

  • სოდომი და გომორი

    24.50

    „სოდომი და გომორი“ დიდი ფრანგი მწერლის, მოდერნისტული ლიტერატურის თვალსაჩინო წარმომადგენლის – მარსელ პრუსტის სიცოცხლეში გამოქვეყნებული უკანასკნელი ნაწარმოებია. ეს მეოთხე რომანია ციკლიდან „გამქრალი დროის ძიებაში“, რომელიც 1922 წელს გამოიცა.

    რომანის მთავარი ამბავი ბუნებრივად ამოიზარდა წინა რომანიდან „გერმანტებთან“. ესაა მაღალი საზოგადოების ზნეობრივი დაცემის თემა, რომლის ცენტრშიც ბარონი დე შარლიუ დგას.

    მარსელ პრუსტი ის მოგზაურია, რომელმაც არა მხოლოდ უცნობ სამყაროში შეაღო კარი, არამედ საკუთარი მყუდრო ოთახიდან გამოუსვლელად დაწვრილებით შეისწავლა ადამიანი თავისი მრავალფეროვანი ბუნებით, ვნებებითა და მისწრაფებებით.

    წიგნი ფრანგულიდან თარგმნეს გიორგი და ნატო კახაბერებმა და დალი იაშვილმა.

     

    კალათაში დამატება

    10169786

    31/10/16 15:52

    თბილისი

  • ოქროს ქვიშა

    12

    არაბულიდან თარგმნა დარეჯან გარდავაძემ

    „ოქროს ქვიშა“ ცნობილი თანამედროვე ლიბიელი მწერლის, მრავალი ლიტერატურული პრემიის ლაურეატის, იბრაჰიმ ალ-ქუნის ერთ-ერთ საუკეთესო რომანად მიიჩნევა. რომანის მთავარი გმირი – ტუარეგი ბედუინი უხაიადი მკითხველს თავისი ცხოვრების ისტორიით საოცრად თვალსაჩინოდ უსურათებს უდაბნოს დღემდე უცვლელ ცხოვრების წესს და მორალურ კოდექსს, სიცოცხლისა და სიკვდილის კანონზომიერებას და ფილოსოფიას, კლასიკური სუფიზმის დოქტრინას დღევანდელობაში.

    კალათაში დამატება

    10169761

    31/10/16 15:43

    თბილისი

  • აფრიკელი

    8

    ფრანგულიდან თარგმნა დალი იაშვილმა

    ჟან-მარი გუსტავ ლე კლეზიოს „აფრიკელი“ ინტიმური ავტობიოგრაფიული რომანია, რომელიც მწერალმა 64 წლის ასაკში დაწერა. ლე კლეზიო წერს „აფრიკელზე“, მამაზე, რომელმაც, ბრიტანეთის უნივერსიტეტის ტროპიკული დაავადებების სპეციალობის დამთავრების შემდეგ ცხოვრების ოცი წელი არა მარტო კეთროვანთა და მალარიით დაავადებულთა მკურნალობას შესწირა, არამედ კოლონიურ საზოგადოებასთან ბრძოლასაც. ის ოგოჟაში, კროს რივერის ამ მხარეში ერთადერთი ექიმი იყო და ყველაფერს მარტო აკეთებდა. 1948 წელს ნანგრევებად ქცეული საფრანგეთი 8 წლის ჟან-მარიმ ძმასთან და დედასთან ერთად დატოვა და სატვირთო გემით აფრიკისკენ გაემართა. სწორედ აქ, კაიუტაში, მოსწავლის ორ რვეულში, დაიწყო თავისი პირველი რომანების წერა.

    ლე კლეზიოსთვის აფრიკა ნამდვილი თავისუფლება იყო: წელიწადის დროთა მძვინვარება, თავისუფალი ცხოვრების ბედნიერება, სავანაში ფეხშიშველი სირბილით ტკბობა, ტერმიტების უზარმაზარი ბუდეების ნგრევის სიამოვნება, უსაზღვრო ტყე-ველებში სამუდამოდ ჩაკარგვის სურვილი. ველური ბავშვის ეს ოცნება ორი წელი გაგრძელდა, მაგრამ ოგოჟათი აღფრთოვანება, წარსულის გახსენება და სინანული, რომ მამის გაგება და შეყვარება ვერ შეძლო, მწერალს მთელი ცხოვრება გაჰყვა. 

    „აფრიკელი“ მთავარი წიგნია ლე კლეზიოს შემოქმედების გასაგებად. რომანი მსოფლიოს მრავალ ენაზეა თარგმნილი.

    წიგნი გამოიცა ქართული წიგნის ეროვნული ცენტრის მხარდაჭერით.

    კალათაში დამატება

    10169747

    31/10/16 15:40

    თბილისი

  • ზღაპარში მოხვედრილი ბიჭის ამბავი

    20

    „ზღაპარში მოხვედრილი ბიჭის ამბავი“ – წიგნი-სპექტაკლი, წიგნი-მუსიკა, წიგნი-ნახატი, წიგნი-ზეიმი. ფანტაზიით შენიღბული რეალობის ფოიერვერკი, რომელმაც ასე მშვიდად, ღირსეულად გაუძლო დროს, უფრო მეტიც, განსაცვიფრებლად აქტუალური აღმოჩნდა დღევანდელი საქართველოსათვის. (მაკა ჯოხაძე)

    ლევან ბოლქვაძე 1924 წელს დაიბადა. ალბათ, არ გაგიკვირდებათ, როცა გაიგებთ, რომ ის 21 წლის ასაკში დააპატიმრეს და რვა წლით „ლაგერში“ გაუშვეს, რის შემდეგაც სამი წელი გადასახლებაში მოუწია ყოფნა. ბანაკში ის სოლჟენიცინთან ერთად იჯდა და რუსი მწერლის რამდენიმე პერსონაჟის სახელსა და ხასიათს ეტყობა ამ ნაცნობობის კვალი. განათლებით ფილოლოგი იყო, რასაც უკვალოდ არ ჩაუვლია მისი წიგნისათვის – არსებობს დახვეწილობის დონე, რომელსაც მხოლოდ ის მწერლები აღწევენ, ვისთვისაც ლიტერატურა არა მხოლოდ შთაგონება თუ პროფესიაა, არამედ – შესწავლის ობიექტიც (ბორხესი, ეკო, აკუნინი). ზღაპარში მოხვედრილი ბიჭის ამბავი ლევან ბოლქვაძის ერთადერთი წიგნია. თავად მწერალი 1986 წელს გარდაიცვალა.

    ახლა არ დაიწყოთ, მეტი რატომ არაფერი დაწერაო: არც ალენ-ფურნიეს დაუწერია „დიდი მოლნის“ გარდა სხვა რომანი, მაგრამ განა ამით მის წიგნს რამე დააკლდა? დიდი-დიდი, მკითხველი დარჩა წაგებული. (გიგა ზედანია)

    კალათაში დამატება

    10169683

    31/10/16 15:28

    თბილისი

  • ნაცნობ ქიმერათა ფერხული

    28

    „ნაცნობ ქიმერათა ფერხული“ გელა ჩარკვიანის პირადი, საზოგადოებრივი და პოლიტიკური ბიოგრაფიაა. უფრო სწორად, ავტობიოგრაფია, რომელიც საკმაოდ არაორდინარული და ხშირად დრამატული მოვლენების უშუალო მონაწილის მიერ იწერება.

    წიგნს უამრავი პერსონაჟი ჰყავს. თხრობის პროცესში ისინი კონტრასტულად ენაცვლებიან ერთმანეთს, მაგრამ არსებობს ადგილი, სივრცე, სადაც ავტორი მათ შეკრებას ახერხებს: საბჭოთა საქართველოს უმაღლესი ხელისუფალის ოჯახი და ქვეყნის მეორე პრეზიდენტის კანცელარია.

    გელა ჩარკვიანის მრავალმხრივი პერსონის როლებიც განსხვავებულია ამ ავტობიოგრაფიულ საგაში: ის ჯერ კომუნისტი უფლისწულია, შემდეგ არატრადიციული საბჭოთა ახალგაზრდა, რომელსაც აკრძალული მუსიკა და ქალაქური ანდერგრაუნდი იზიდავს; მოგვიანებით – რკინის ფარდის მიღმა არსებული თავისუფალი დასავლური სამყაროს პოპულარიზატორი და არაერთი საზოგადოებრივი ინიციატივის ავტორი; გასული საუკუნის 90-იანი წლებიდან პრეზიდენტ შევარდნაძის მრჩეველი და მისი საგარეო ურთიერთობათა სამსახურის ხელმძღვანელი; პრეზიდენტ სააკაშვილის პრესსპიკერი და გაერთიანებულ სამეფოში საქართველოს საგანგებო და სრულუფლებიანი ელჩი.

    ავტორი გულწრფელად გვიყვება ადამიანურ ისტორიებს, „ივენთებს“, რომლებმაც სხვადასხვა დროს მასზე გავლენა იქონიეს და ამ ყველაფერთან ერთად გვიზიარებს პროფესიონალის უნიკალურ გამოცდილებას, რომელიც ამ წიგნს განსაკუთრებულად საჭიროს და ღირებულს ხდის.

    კალათაში დამატება

    10169669

    31/10/16 15:25

    თბილისი

  • I Speak English

    35

    ინგლისურიდან თარგმნა გვანცა ჯობავამ

     

    საჩუქარი ბავშვებისა და მათი მშობლებისათვის!

    ინგლისური ენის შესწავლა ასეთი სახალისო არასოდეს ყოფილა!

    გაუმარტივეთ თქვენს შვილებს უცხო ენის შესწავლის რთული პროცესი – ამ წიგნის კითხვა ძალიან სახალისო და სასარგებლოა.

    წაიკითხეთ, მოუსმინეთ, დააჭირეთ თითი ღილაკებს, დაეუფლეთ უამრავ ინგლისურ სიტყვას და გამოთქმას.

    შეიქმნა ანდრეა დამის იდეის მიხედვით.
    ტონი ვულფის ილუსტრაციები.
    ტექსტის ავტორი ანა კაზალისი.
     

    კალათაში დამატება

    10169654

    31/10/16 15:21

    თბილისი

  • ცუდი გოგოს ოინები

    25

    ესპანურიდან თარგმნა ლანა კალანდიამ

    „ცუდი გოგოს ოინები“ დიდი მწერლის, ნობელის პრემიის ლაურეატის – მარიო ვარგას ლიოსას ერთ-ერთი ყველაზე გამორჩეული რომანია. მწერალი მოგვითხრობს ქალისა და მამაკაცის რთული, წინააღმდეგობებით სავსე ურთიერთობების შესახებ, რომელიც ადრეულ სიყმაწვილეში იწყება და თითქმის ორმოცი წლის განმავლობაში სდევს პერსონაჟებს.

    რომანის გმირების მღელვარე ცხოვრება მე-20 საუკუნის მეორე ნახევრის პოლიტიკური, სოციალური და კულტურული ტრანსფორმაციის პარალელურად ვითარდება. წიგნს ვრცელი გეოგრაფია აქვს – ლიმა, პარიზი, ლონდონი, ტოკიო, მადრიდი, სადაც ორიგინალურად ერწყმის ერთმანეთს ამ ქალაქებში მომხდარი უჩვეულო მოვლენები და რომანის გმირების არაორდინარული ურთიერთობა.

    ამ წიგნში მარიო ვარგას ლიოსა ბოლომდე არღვევს რომანტიკული სიყვარულის ყველა ნაცად კლიშეს, გამოცდილებას და მკითხველს კიდევ ერთხელ აყენებს სამყაროსავით ძველი და მარადიული კითხვის წინაშე: „როგორია სიყვარულის ნამდვილი სახე?“

    კალათაში დამატება

    10169635

    31/10/16 15:15

    თბილისი

  • ვაცის ნადიმი

    26

    ესპანურიდან თარგმნა ლანა კალანდიამ

    „ვაცის ნადიმი“ დიდი პერუელი მწერლის, ნობელის პრემიის ლაურეატის – მარიო ვარგას ლიოსას ერთ-ერთი ყველაზე მნიშვნელოვანი ნაწარმოებია. 

    რომანის მთავარი პერსონაჟი, ურანია კაბრალი, ოცდათხუთმეტი წლის შემდეგ პირველად ბრუნდება სამშობლოში მამასთან შესახვედრად. დომინიკის რესპუბლიკაში იწყებს იგი იმ ამბების გახსენებას, რომელთა გამოც მიატოვა თავისი ქვეყანა და დაიფიცა, რომ აღარასოდეს დაბრუნდებოდა. 

    ამის პარალელურად, მწერალი ოცდათხუთმეტი წლის წინანდელ დომინიკის რესპუბლიკაში – ტრუხილიოს ეპოქაში – აბრუნებს მკითხველს და ქრონოლოგიური სიზუტით აღადგენს დიდი პოლიტიკური მკვლელობის გარშემო დატრიალებულ მოვლენებს. 

    ამ წიგნში მარიო ვარგას ლიოსა შეუდარებლად აღწერს დიქტატორული რეჟიმის არსს, თავისუფლებადაკარგული საზოგადოების დრამას და, რაც მთავარია, ტოტალიტარიზმის მემკვიდრეობას. 

    მარიო ვარგას ლიოსას ვაცის ნადიმი თანამედროვე კლასიკის ის შენაძენია, რომელმაც უკვე დაიმკვიდრა თავისი ადგილი მსოფლიო ლიტერატურის შედევრებს შორის. 

    კალათაში დამატება

    10169607

    31/10/16 15:08

    თბილისი

  • ნატვრის ხე

    25

    წიგნის მხატვარია თეონა ჭანიშვილი

    გიორგი ლეონიძის „ნატვრის ხე“ 1962 წელს დაიწერა და მკითხველზე დღემდე წარუშლელ შთაბეჭდილებას ახდენს თავისი ენითა და ტრაგიკული პერსონაჟებით.

    წიგნი არაერთხელ გამოიცა, თუმცა ამჯერად „ინტელექტი“ მკითხველს ახალ, სრულიად გამორჩეულ, ილუსტრირებულ გამოცემას სთავაზობს.

    კალათაში დამატება

    10169589

    31/10/16 15:04

    თბილისი

  • ფერწერა / გრაფიკა / ილუსტრაცია

    50

    ალბომში შესულია რუსუდან ფეტვიაშვილის სხვადასხვა დროის ფერწერული და გრაფიკული ნამუშევრები, როგორც ბავშვობისდროინდელი, 6-11 წლის ასაკში, ფანქრითა და ტუშით შესრულებული უნიკალური ნახატები, ასევე სხვადასხვა წიგნისთვის შექმნილი ილუსტრაციები („ვეფხისტყაოსანი“, ფრანგულ ენაზე გამოცემული „დათა თუთაშხია“ და სხვ.) და სახარების მინიატურები. ნამუშევრები სხვადასხვა დროს და სხვადასხვა მასალითაა შესრულებული – ფანქარი, აკვარელი, ტემპერა, ზეთის საღებავები, ქაღალდი, მუყაო, აბრეშუმი და სხვა. 

    ალბომი ერთგვარი უნიკალური საარქივო მასალაა, რადგან ამ ნამუშევრების უმეტესი ნაწილი დღეს კერძო თუ სახელმწიფო გალერეებსა და პირად კოლექციებშია დაცული.

    რუსუდან ფეტვიაშვილის ალბომის გაცნობა შეგიძლიათ ქართულ და ინგლისურ ენებზე.

    კალათაში დამატება

    10169541

    31/10/16 14:53

    თბილისი

  • საქართველოს ისტორიის ატლასი

    99

    წინამდებარე გამოცემა არ არის ჩვეულებრივი ისტორიული ატლასი (ძვ. წელთაღრიცხვის VI საუკუნიდან ახ. წელთაღრიცხვის XX საუკუნემდე), რომელშიც, როგორც წესი, ქვეყნის მხოლოდ ამა თუ იმ ეპოქის შესატყვისი პოლიტიკური სიტუაციის ამსახველი რუკებია თავმოყრილი, უკეთეს შემთხვევაში, მოკლე ისტორიული კომენტარებით.

    „საქართველოს ისტორიის ატლასი“, ფაქტობრივად, დოკუმენტირებული პუბლიკაციაა: მას ახლავს „განმარტებითი ტექსტი“, რომელშიც, შეძლებისდაგვარად, ყველა ძირითად პირველწყაროზე მითითებით და რიგ შემთხვევაში სპეციალურ ლიტერატურაზე დაყრდნობით, დასაბუთებულია, არსებითად, თითოეულ რუკაზე ასახული ქვეყნის პოლიტიკური სურათი. 

    „საქართველოს ისტორიის ატლასი“ შეიცავს 69 რუკას. მას ერთვის საძიებლებიც, რაც ძალიან აადვილებს ისტორიული პუნქტების მოძიებას სხვადასხვა პერიოდის რუკებზე.

    დიდი ფორმატის (A3) გამოცემა შესრულებულია უმაღლეს პოლიგრაფიულ დონეზე. აქვს მაგარი ყდა და სანიშნი.

    რუკები მომზადებულია „გეოგრაფიკში“.

    კალათაში დამატება

    10169449

    31/10/16 14:26

    თბილისი

  • კულინარია ჰობად

    19.90

    კულინარიული წიგნი, რომელიც შექმნილია არა პროფესიონალი მზარეულების, არამედ მოყვარული კულინარების მიერ, ვიდეოპროექტ „Katy&Acho Cooking“-­ის შედეგია! 

    აქ თქვენ შეხვდებით როგორც კარგად ცნობილ, ასევე უცნობ რეცეპტებს, რომელთა მომზადებასაც სახლის პირობებში თითოეული თქვენგანი ძალიან მარტივად შეძლებს. 

    წიგნი გამოირჩევა უსაზღვროდ მადისაღმძვრელი და ცოცხალი ფოტოებით, რომელთა გადასაღებად, თითოეული კერძი ინდივიდუალურად მომზადდა, რის გამოც, კერძი, რომლის რეცეპტსაც წაიკითხავთ, ზუსტად ისე გამოიყურება სინამდვილეში, როგორც ფოტოზე! 

    მეტი კომფორტისთვის კი, თითოეულ რეცეპტს დავურთეთ მომზადების სავარაუდო დრო და ღირებულება. 

    გემრიელად მიირთვით!

    კალათაში დამატება

    10169397

    31/10/16 14:11

    თბილისი

ზემოთ